కువైట్‌: పెట్రోలింగ్‌లో వున్న ఓ మహిళా పోలీస్‌ అధికారిపై ఇద్దరు యువతులు దాడి చేశారు. ఈ క్రమంలో నిందితులు, ఆ పోలీస్‌ అధికారి బట్టల్ని సైతం చించేందుకు ప్రయత్నించడం కలకలం రేపింది. అయితే ఘటన జరిగిన సమయంలో నిందితులు అసాధారణ పరిస్థితుల్లో వున్నారని అధికారులు అంటున్నారు. పబ్లిక్‌ ఆఫీసర్‌ని అవమానించడం, దాడి చేయడం, వాహనాన్ని అసాధారణ స్థితిలో నడపడం, పోలీస్‌ అధికారిణి బట్టలు చించి వేయడం వంటి వకేసుల్ని నిందితులపై నమోదు చేశారు పోలీసులు. నిందితులపై కఠిన చర్యలుంటాయనీ, మహిళా అధికారిణిపై దాడిని తీవ్రంగా ఖండిస్తున్నామని ఇంటీరియర్‌ మినిస్ట్రీ ఆపరేషన్స్‌ ఎఫైర్స్‌ అండర్‌ సెక్రెటరీ మేజర్‌ జనరల్‌ జమాల్‌ అల్‌ సయెగ్‌ చెప్పారు. చెక్‌ పాయింట్‌ వద్ద వాహనాల్ని మహిళా పోలీస్‌ అధికారులు తనిఖీలు చేస్తుండగా ఈ ఘటన జరిగింది. అయితే, నిందితులు తాము ఎలాంటి దుశ్చర్యకూ పాల్పడలేదని బుకాయిస్తున్నారు.