రియాద్: సౌదీ అరేబియాను కోల్డ్ వేవ్స్ తాకాయి. ఈ మేరకు జాతీయ వాతావరణ కేంద్రం (NCM) ఒక ప్రకటన విడుదల చేసింది. అల్-జౌఫ్, నార్తర్న్ బోర్డర్స్, హైల్, ఖాసిమ్ మరియు రియాద్ ప్రాంతాలలోని కొన్ని భాగాలలో ఉష్ణోగ్రతలు గణనీయంగా పడిపోతాయని హెచ్చరించింది. కొన్ని ప్రాంతాల్లో కనిష్ట ఉష్ణోగ్రతలు సున్నా కంటే 3°C నుండి 1°C వరకు తక్కువగా ఉంటాయని తెలిపారు.

డిసెంబర్ మధ్యలో సంభవించిన మొదటి కోల్డ్ వేవ్ కారణంగా  హైల్ మరియు తబూక్‌తో సహా రాజ్యంలోని కొన్ని ప్రాంతాలలో మంచు కురుస్తుందని వెల్లడించారు. చలి తీవ్రమవుతున్నందున, ప్రభావిత ప్రాంతాల నివాసితులు, ముఖ్యంగా తెల్లవారుజామున మరియు రాత్రి వేళల్లో అవసరమైన జాగ్రత్తలు తీసుకోవాలని NCM కోరింది. అధికారులు వాతావరణ మార్పులను నిరంతరం పర్యవేక్షిస్తున్నారని, అధికారిక అప్‌ డేట్‌లు మరియు భద్రతా మార్గదర్శకాలను పాటించాలని ప్రజలకు సూచించింది.