మస్కట్‌: కారులో ఇరుక్కుని ఊపిరి ఆడక ఇద్దరు చిన్నారుఉaల మృతి చెందిన ఘటన జలాన్‌ బని బు అలిలో చోటు చేసుకుంది. రాయల్‌ ఒమన్‌ పోలీస్‌ వెల్లడించిన వివరాల ప్రకారం, పిల్లలు ఆడకుంటూ తమ ఇంటి ముందున్న కారులోకి వెళ్ళారనీ, అందులో వారు లాక్‌ అయిపోయారనీ, బయటకు వచ్చే మార్గం తెలియక అందులోనే వుండిపోయి, శ్వాస సరిగ్గా అందని స్థితిలో వారు మృత్యువాత పడ్డారని తెలుస్తోంది. మృతి చెందిన చిన్నారుల వయసు ఐదు సంవత్సరాలు, మూడు సంవత్సరాలు కావడం గమనార్హం. జలాన్‌లో జరిగిన ఈ ఘటన అందర్నీ కలచివేస్తోంది.