హారర్ చిత్రాలకు ఆదరణ తగ్గదని తెలుగు ప్రేక్షకులు ఎప్పుడూ నిరూపిస్తూనే ఉన్నారు. హారర్ కంటెంట్ తో వస్తోన్న చిత్రమే ‘‘శివరంజని’’. రష్మి గౌతమ్, నందు జంటగా నటిస్తున్నారు. ఈ చిత్ర ట్రైలర్ ను డైరెక్టర్ వివి వినాయక్ చేతుల మీదుగా బుధవారం విడుదల చేశారు. ఈ సినిమాలో అఖిల్ కార్తీక్, ధన్ రాజ్, ఢిల్లీ రాజేశ్వరి ఇతర పాత్రల్లో నటిస్తున్నారు. యూ అండ్ ఐ ఎంటర్టైన్మెంట్స్ బ్యానర్ లో రూపొందుతోన్న ఈ చిత్రానికి నాగ ప్రభాకరన్ దర్శకత్వం వహించారు. ఏ పద్మనాభరెడ్డి, నల్లా అయ్యన్న నాయుడు నిర్మాతలుగా వ్యవహరించారు.. శేఖర్ చంద్ర సంగీతం సమకూరుస్తున్నారు, సినిమాటోగ్రఫీ సురేందర్ రెడ్డి.