కువైట్‌ సిటీ: మినిస్ట్రీ ఆఫ్‌ హెల్త్‌ అధికార ప్రతినిథి, డైరెక్టర్‌ ఆఫ్‌ ది డిపార్ట్‌మెంట్‌ ఆఫ్‌ ఆక్యుపేషనల్‌ హెల్త్‌ డాక్టర్‌ అహ్మద్‌ అల్‌ షత్తి మాట్లాడుతూ, కువైట్‌లో ఉష్ణోగ్రతలు తీవ్రరూపం దాల్చినట్లు చెప్పారు. వడదెబ్బను ఎమర్జన్సీ కేసులుగా పరిగణించి ఆసుపత్రుల్లో ట్రీట్‌మెంట్‌ అందించాల్సిందిగా ఆయన సూచించారు. ఎండల్లో తిరిగేవారు అప్రమత్తంగా వుండాలని, చిన్న పిల్లలు.. వివి ధరకాలైన దీర్ఘకాలిక రోగాలతో బాధపడుతున్నవారు, పెద్దవారు, ప్రెగ్నెంట్‌ విమెన్‌ ఎట్టి పరిస్థితుల్లోనూ డైరెక్ట్‌గా ఎండ వేడిమికి గురికాకుండా తగు జాగ్రత్తలు తీసుకోవాలని సూచించారాయన. ఔట్‌ డోర్‌లో వర్క్‌ చేసేవారు, ఉదయం 11 గంటల నుంచి 4 గంటల వరకు డైరెక్ట్‌ సన్‌లైట్‌లో పని చేయకూడదని చెప్పారు.