అబుధాబి: అబుధాబి అగ్రికల్చర్‌ అండ్‌ ఫుడ్‌ సేఫ్టీ అథారిటీ (అదాప్సా), అల్‌ సయ్యద్‌ రెస్టారెంట్‌ మరియు గ్రిల్‌ని మూసివేయాల్సిందిగా ఆదేశాలు జారీ చేసింది. అబుదాబీ పోర్ట్‌లో గల ఈ రెస్టారెంట్‌పై ఫుడ్‌ సేఫ్టీ నిబంధనలు పాటించడంలేదనే అభియోగాలు మోపబడ్డాయి. అదాఫ్సా కమ్యూనికేషన్స్‌ అండ్‌ కమ్యూనిటీ సర్వీసెస్‌ డిపార్ట్‌మెంట్‌ డైరెక్టర్‌ థామెర్‌ రషెద్‌ అల్‌ కాసెమి మాట్లాడుతూ, పదే పదే ఉల్లంఘనలకు పాల్పడుతూ, అదాఫ్సా హెచ్చరికల్ని బేఖాతరు చేస్తున్నందున రెస్టారెంట్‌ని మూసివేయాల్సిందిగా ఆదేశాలు జారీ చేసినట్లు పేర్కొన్నారు. హెల్త్‌ వయోలేషన్స్‌ ఏమైనా రెస్టారెంట్స్‌లో కన్పిస్తే, అబుధాబి ప్రభుత్వానికి ఫిర్యాదు చేయవచ్చునని ఈ సందర్బంగా ఆయన తెలిపారు.