`ఏ ఏ 19` టైటిల్పై చర్చ
- July 11, 2019
టాలీవుడ్లో గత ఏడాది వచ్చిన స్టైలిష్ స్టార్ అల్లు అర్జున్ సినిమా ` నా పేరు సూర్య నా ఇల్లు ఇండియా`. ఈ సినిమాకు వక్కంతం వంశీ దర్శకత్వం వహించారు. ఈ సినిమా అల్లు అర్జున్కు హిట్ ఇవ్వలేదు. తాజాగా ఇప్పుడు తన పాత డైరెక్టర్ త్రివిక్రమ్తో మరో కొత్త సినిమాకు శ్రీకారం చుట్టారు. గతంలో అల్లు అర్జున్- త్రివిక్రమ్ కాంబినేషన్లో జులాయి, s/o సత్యమూర్తి సినిమాలు వచ్చాయి. ఇక ఇప్పుడు అల్లు అర్జున్ కొత్త సినిమా `ఏ ఏ 19` షూటింగ్లో బిజీగా ఉన్నాడు.
అయితే ఈ సినిమాతో త్రివిక్రమ్కు అల్లు అర్జున్ మూడో సారి ఛాన్స్ ఇచ్చినట్లైంది. వీరి ఇద్దరి కాంబినేషన్లో వస్తున్న ఈ సినిమాపై భారీ అంచనాలే ఉన్నాయి. ఈ మూవీ వచ్చే సంవత్సరం సంక్రాంతికి విడుదల కానుంది. ఈ సినిమా ఫాదర్ సెంటిమెంట్తో తెరకెక్కనుంది. తాజాగా ఇప్పుడు ఈ సినిమా టైటిల్పై సినీ పరిశ్రమలో వార్తలు చక్కర్లు కొడుతున్నాయి. అలాగే కొన్ని టైటిల్స్ కూడా సోషల్ మీడియాలో వినిపిస్తున్నాయి. వాటిలో ఒకటి నాన్న.. నేను - రెండోవది అలకనంద అనే టైటిల్స్ ఇప్పుడు ప్రముఖంగా వినిపిస్తున్నాయి.
ఈ సినిమా టైటిల్స్ విషయంలో త్రివిక్రమ్ కూడా చాలా వినూత్నంగా ఆలోచిస్తున్నట్లు టాక్ వస్తోంది. అచ్చతెలుగు పేర్లు సినిమా టైటిల్స్ గా పెట్టడానికి మరింత ఆసక్తి చూపుతున్నట్లు సమాచారం. సోషల్ మీడియాలో వస్తున్న ఆ రెండు పేర్లపై మంచి టాక్ వచ్చింది. మరి ఫైనల్గా వీరి కాంబోలో వస్తున్న ఈ సినిమాకు ఏ టైటిల్ ఫిక్స్ చేస్తారో చూడాలి.
తాజా వార్తలు
- తెలంగాణలోని 10 వర్సిటీలకు ఇన్ఛార్జి వీసీల నియామకం
- సింగపూర్ విమానంలో భారీ కుదుపులు...ఒకరి మృతి
- అమెరికా కోర్టు న్యాయమూర్తిగా తెలుగు మహిళ జయ బాడిగ
- ఇరాన్ అధ్యక్షుడు రైసీ మృతి..భారత్ సంతాపం
- ఆ రేవ్ పార్టీ ఎంట్రీ ఫీజు రూ.50 లక్షలు: బెంగళూరు పోలీస్ కమిషనర్
- జూన్ 1 నుండి సింగిల్ యూజ్ స్టైరోఫోమ్ ఉత్పత్తుల బ్యాన్
- ప్రస్తుత ట్రాఫిక్ రికార్డును బద్దలు కొట్టనున్న DXB..!
- నకిలీ వెబ్సైట్ల గురించి పోలీసుల హెచ్చరిక
- మధుమేహం ఉన్న పిల్లలకు గ్లూకోజ్ సెన్సార్లు, ఇన్సులిన్ పంపిణీ
- మే 24 - జూన్ 26 మధ్య హజ్ అనుమతి ఉంటేనే ఉమ్రా..!