జెడ్డ, దమ్మమ్ విమానాశ్రయాలు  2017 లో ప్రవేటీకరణ చేయనున్నట్లు సౌది అరేబియా పౌర విమానధికార నియంత్రణ సంస్థ మంగళవారం ఒక పత్రికా సమావేశంలో తెలిపింది. చమురు ధరలు నిరంతరం తిరోగమన దిశలో పయనిస్తునందున దేశ ఆర్ధిక పరిస్థితులను  చక్కదిద్దేందుకు ఈ నిర్ణయం తీసుకోనున్నట్లు తెలిపింది. సౌది అరేబియాలో  అత్యంత రద్దీ గల  విమానాశ్రయం గా పేరొందిన  జేడ్డహి కింగ్ అబ్దుల్ అజీజ్ అంతర్జాతీయ విమానాశ్రయం 2017  రెండవ త్రైమాసికంలో ప్రవేటీకరణ చేయనున్నారు. అలాగే, దమ్మమ్ కింగ్ ఫహద్ అంతర్జాతీయ   విమానాశ్రయం 2017  మూడవ త్రైమాసికంలో ప్రవేటీకరణ చేయనున్నట్లు స్థానిక విలేకరులకు   సౌది అరేబియా  పౌర విమానధికార నియంత్రణ సంస్థ తెలిపింది.