రస్‌ అల్‌ ఖైమాలో చాలా కాలంగా నివాసముంటున్న భారత వలసదారుడు అన్ను సుధాకర్‌, 1 మిలియన్‌ డాలర్ల బహుమతిని 'దుబాయ్‌ డ్యూటీ ఫ్రీ మిలీనియమ్‌ మిలియనీర్‌' ద్వారా గెల్చుకున్నారు. అయితే, అన్ను సుధాకర్‌తోపాటు మొత్తం 42 మంది కలిసి ఈ టిక్కెట్‌ని కొనుగోలు చేశారు. ఒక్కొక్కరూ 23,809 డాలర్లు గెల్చుకున్నట్లవుతుంది. ఈ బహుమతిని గెలవడం ద్వారా తామంతా ఆనందంగా వున్నామని అన్ను సుధాకర్‌ చెప్పారు. కాగా, మరో ఇండియన్‌ వలసదారుల గ్రూపు కూడా1 మిలియన్‌ డాలర్స్ గెల్చుకుంది. మొత్తం 9 మంది వున్నారు ఈ గ్రూప్ లో. నీరజ్‌ హరి అనే దుబాయ్‌ రెసిడెంట్‌ ఈ గ్రూపుకి నాయకత్వం వహిస్తున్నారు.