దుబాయ్‌:గురువారం ఉదయం నుంచే యూఈ రోడ్లపై ట్రాఫిక్‌ విపరీతంగా పెరిగింది. ప్రధానంగా దుబాయ్‌ ఇంటర్నేషనల్‌ ఎయిర్‌పోర్ట్‌కి దగ్గర్లో రహదారులన్నీ కిక్కిరిసిపోయాయి. ఈ నేపథ్యంలో ప్రయాణం ఆలస్యమవుతోంది. ఈద్‌ అల్‌ అదా సెలవుల నేపథ్యంలో ఎయిర్‌పోర్ట్‌కి ప్రయాణీకుల తాకిడి ఎక్కువగా వుంటుందని ముందే ఊహించిన ట్రాఫిక్‌ విభాగం తగిన చర్యలు చేపట్టింది. ఆగస్ట్‌ 10 నుంచి ఆగస్ట్‌ 13 వరకు పబ్లిక్‌ మరియు ప్రైవేట్‌ సెక్టార్లకు సెలవు కావడంతో, సెలవుల్ని సద్వినియోగం చేసుకునేందుకు వివిధ ప్రాంతాలకు వెళుతున్నారు జనం. ఈ నేపథ్యంలో ఎయిర్‌పోర్ట్‌లో సందడి వాతావరణం నెలకొంది. మరోపక్క, విమాన ప్రయాణీకులు ముందస్తుగానే విమానాశ్రయానికి చేరుకోవాలని ఆయా విమానయాన సంస్థలు సూచనలు జారీ చేశాయి. ఆగస్ట్‌ 8 సాయంత్రం నుంచి మరింతగా ఎయిర్‌పోర్ట్‌ పరిసరాల్లోని రోడ్లపై ట్రాఫిక్‌ పెరుగుతుందని అంచనా వేస్తున్నారు.