బహ్రెయిన్‌ హై క్రిమినల్‌ కోర్ట్‌, ముగ్గురు వ్యక్తులకు యావజ్జీవ కారాగార శిక్ష విధించింది. ముగ్గురు పోలీసులను హతమార్చేందుకు బాంబులను ఉపయోగించడాన్ని తీవ్ర నేరంగా పరిగణించింది బహ్రెయిన్‌ హై క్రిమినల్‌ కోర్ట్‌. డిసెంబర్‌ 29, 2014న మనామాలోని అల్‌ దైర్‌ విలేజ్‌లో ముగ్గురు వ్యక్తులు పోలీసులను హతమార్చేందుకు ఎక్స్‌పోజివ్‌ డివైజ్‌ని అమర్చారు. అయితే పోలీసులు ఆ బాంబుని గుర్తించి నిర్వీర్యం చేశారు. బహ్రెయిన్‌ కోర్ట్‌ గత సంవత్సరం ఇద్దరు వ్యక్తులకు మరణ శిక్ష విధించింది. అల్‌ దైర్‌లో ఓ పోలీస్‌ని చంపిన కేసులో ఈ శిక్ష పడింది.