ఆదివారం వరకూ యూఏఈలో ఫాగ్‌ కండిషన్స్‌ కొనసాగే అవకాశం వున్నట్లు నేషనల్‌ సెంటర్‌ ఫర్‌ మిటియరాలజీ పేర్కొంది. ఎన్‌సిఎం వెల్లడించిన వివరాల ప్రకారం రాత్రి వేళల్లో, తెల్లవారు ఝామున హ్యుమిడిటీ ఎక్కువగా వుంటుందనీ, కొన్ని ప్రాంతాల్లో ఫాగ్‌ లేదా మిస్ట్‌ ఫార్మేషన్‌ అధికంగా వుండొచ్చనీ తెలుస్తోంది. ఫాగ్‌ కండిషన్స్‌ కారణంగా విజిబిలిటీ గణనీయంగా తగ్గుతుంది గనుక వాహనదారులు అప్రమత్తంగా వుండాల్సి వస్తుంది. వాతావరణం ప్రశాంతంగానే వుంటుందనీ, కొన్ని చోట్ల ఆకాశం మేఘావృతమయి వుంటుందని ఎన్‌సిఎం తెలిపింది. ఇంటర్నల్‌ ఏరియాస్‌లో ఉష్ణోగ్రతలు 41 నుంచి 46 డిగ్రీల వరకూ చేరుకోవచ్చు. గాలుల తీవ్రత సాధారణంగానే వుంటుంది. కోస్టల్‌ ఏరియాస్‌లో 70 నుంచి 90 శాతం వరకు, ఇంటీరియర్‌ రీజియన్స్‌లో 65 నుంచి 85 శాతం వరకు, మౌంటెయిన్స్‌లో 40 నుంచి 65 శాతం వరకు హ్యుమిడిటీ వుంటుంది. ఆదివారం వరకు ఇదే తరహా వాతావరణ పరిస్థితులు కొనసాగవచ్చు.