ఈజిప్టులోని ప్రముఖ యాత్రా స్థలం గిగా పిరమిడ్ల వద్ద యాత్రికులపై ఇద్దరు గుర్తుతెలియని దుండగులు కాల్పులకు తెగబడ్డారు. ఆల్-హరమ్ వీధిలోని ఓ హోటల్‌లోకి వెళ్తున్న టూరిస్టులపైకి మోటార్ సైకిల్‌పై వచ్చిన దుండగులు కాల్పులు జరిపి పారిపోయారు. ఈ ఘటనలో అదృష్టవశాత్తు ఎవరూ గాయపడలేదు. టూరిస్టులు వచ్చిన బస్సు, హోటల్ గేటు కొంత ధ్వంసమైంది. ఈజిప్టు కాప్టిక్ ఆర్థోడోక్స్ క్రిస్టియన్లు క్రిస్మస్‌ సంబరాలు జరుపుకున్న రోజే దాడి ఘటన చోటుచేసుకోవడం గమనార్హం. దుండగులను పట్టుకునేందుకు పోలీసులు వెతుకులాట ప్రారంభించారు.