మస్కట్‌: ఒమన్‌లో భారతీయ వలసదారులు ఇండియన్‌ ఎంబసీలో రిజిస్టర్‌ అవ్వాలనీ, తద్వారా వారికి సంబంధించిన సమస్యల పరిష్కారం త్వరితగతిన జరిగేందుకు ఆస్కారమేర్పడుతుందని ఎంబసీ వర్గాలు పేర్కొన్నాయి. చాలాకాలంగా ఒమన్‌లో వుంటున్న భారతీయులు, అలాగే షార్ట్‌ టెర్మ్‌ విజిట్‌ కోసం ఒమన్‌కి వచ్చినవారు ఎంబసీతో రిజిస్టర్‌ అవ్వాల్సి వుంటుంది. ఎంబసీ వెబ్‌సైట్‌లోకి ఎంటర్‌ అయ్యాక, భారత పౌరులు తమ పేరు, పాస్‌పోర్ట్‌ డిటెయిల్స్‌తోపాటు, ఇతర వివరాల్ని పొందుపర్చాల్సి వుంటుంది. షార్ట్‌ టెర్మ్‌ విజిటర్స్‌, పీరియడ్‌ ఆఫ్‌ స్టే వివరాలు తెలపాలి. ఎంబసీలో పౌరుల వివరాలు వుంటే, వారికి ఏదైనా సమస్య వచ్చినప్పుడు పరిష్కరించడానికి వీలు కలుగుతుందని అధికారులు వివరించారు