శభాష్ బుడ్డోడా.. చిన్నారి చేసిన పనికి నెటిజన్స్ ఫిదా
- August 29, 2019సెలవుల తర్వాత స్కూల్కి వెళ్ళాలంటే చాలా మంది చిన్నారులకు ఇష్టం ఉండదు. వారిని తిరిగి స్కూల్కి పంపాలంటే మాత్రం తల్లిదండ్రులకు కత్తి మీద సామే. అమ్మమ్మ, తాతయ్యల ఊళ్లకు వెళ్లి షికార్లు చేసి ఆట, పాటలతో కాలక్షేపం చేసిన వారు ఒక్కసారిగా పాఠశాలకు వెళ్లాలనే సరికి సుముఖత చూపించరు. బడికి వెళ్ళే సమయం రాగానే ఏడుపు ముఖాలు పెడతారు. ఇలానే అమెరికాకు చెందిన కానర్ అనే ఎనిమిదేళ్ల పిల్లాడు మారాం చేస్తూ క్లాస్కి వెళ్ళకుండా స్కూల్లోనే ఓ పక్కన నిలబడ్డాడు. పైగా చిన్నారికి ఆటిజం కూడా ఉంది. మూలకు కూర్చొని అలా బాధ పడుతున్న కానర్ను తోటి విద్యార్థి క్రిస్టియన్ మూరే ఆత్మీయంగా పలకరించాడు. అతడిని తన చేతుల్లోకి తీసుకుని లోపలికి తీసుకువెళ్లాడు.
ఈ సంఘటన గమనించిన క్రిస్టియన్ తల్లి తన కొడుకుని చూసి గర్వంగా ఫీలైంది. “నా కుమారుడిని చూసి నాకు గర్వంగా అనిపించింది. ఏడుస్తున్న చిన్నారిని తను ఓదార్చి స్కూల్లోకి తీసుకువెళ్లాడు. ఇలాంటి కొడుకును కన్నందుకు నాకు చాలా సంతోషంగా అనిపిస్తుంది. వాడిది చాలా దయాగుణం. తన మెుదటి రోజును మంచి పనితో ప్రారంభించాడు” అంటూ ఫేస్బుక్లో పోస్ట్ చేశారు. అలాగే క్రిస్టియన్, కానర్ కలిసి ఉన్న ఫోటోను కూడా షేర్ చేశారు. ఇది సామాజిక మాధ్యమాల్లో విపరీతంగా వైరల్గా అవుతోంది. బుడ్డోడిది ఎంత గొప్ప మనసంటూ నెటిజన్లు క్రిస్టియన్ను ప్రశంసిస్తున్నారు.
తాజా వార్తలు
- ఏపీ ఎన్నికల ఫలితాలపై రూ.కోట్లలో బెట్టింగ్లు
- శుభవార్త. కొత్తగా 10 ఏళ్ల బ్లూ రెసిడెన్సీ వీసా
- అరబ్ సమ్మిట్. గాజా సంక్షోభం, పాలస్తీనా గుర్తింపుపై ఫోకస్..!
- PACI సందర్శకులకు శుభవార్త..!
- ఒమన్ పీస్ బిల్డర్.. UN సెక్రటరీ జనరల్ ప్రశంసలు
- అనుమతి లేకుండా హజ్.. SR100,000 వరకు ఫైన్..!
- 'దుబాయ్ అన్లాక్డ్' క్లెయిమ్లను కొట్టిపారేసిన యూఏఈ..!
- సింగపూర్ కొత్త ప్రధానిగా లారెన్స్ వాంగ్
- టీమిండియా కోచ్ రేసులో ఇద్దరు విదేశీయులు..
- అమెరికా: ఉద్యోగాలు కోల్పోయిన హెచ్1బీ వీసాదారుల కోసం కొత్త గైడ్లైన్స్