అమెరికా:టెక్నాలజీ డెవలప్‌మెంట్‌లో అగ్రరాజ్యం దూసుకుపోతోంది. తాజాగా అమెరికా మరో అద్భుతాన్ని ఆవిష్కరించింది. గంటకు 10 వేల కిలోమీటర్ల వేగంతో దూసుకుపోయే హైపర్ సోనిక్ స్లైడ్‌ను రూపొందించింది. ఈ స్లైడ్‌ను న్యూమెక్సికోలో విజయవంతంగా పరీక్షించారు. హాలోమ్యాన్ ఎయిర్‌ఫోర్స్‌ బేస్‌లో 10 మైళ్ల పొడవు ఉన్న ట్రాక్‌పై ఈ పరీక్ష జరిగింది.

హైపర్‌ సోనిక్ తయారీలో రష్యా, చైనాలు ఇప్పటికే ముందంజలో ఉన్నాయి. వాటిని ఎదుర్కోవడానికి అమెరికా రక్షణ విభాగం కూడా చర్యలు చేపట్టింది. అందులో భాగంగా గంటకు 6,599 మైళ్ల వేగంతో దూసుకుపోయే హైపర్ సోనిక్ స్లైడ్‌ను తయారు చేసింది. రైలు పట్టాలపై దూసుకెళ్లే ఈ స్లైడ్, గంటకు 10 వేల 620 కిలోమీటర్ల వేగంతో దూసుకెళ్తుంది. ఇక, హాలోమ్యాన్ బేస్‌ను 1949 నుంచి మిలటరీ ప్రయోగాలు, పరీక్షల కోసం ఉపయోగిస్తున్నారు. ప్రపంచంలో మిలటరీపై అత్యధికంగా ఖర్చు పెట్టేది అమెరికాయే. ఆర్మీ కోసం గత సంవత్సరం బడ్జెట్‌లో ఏకంగా 46 లక్షల కోట్లు కేటాయించారు.