జులై 22 వ తేదీన ఇస్రో శాస్త్రవేత్తలు చంద్రునిపైకి చంద్రయాన్ 2 ను ప్రయోగించిన సంగతి తెలిసిందే. చంద్రుని వాతావరణంలోకి విజయవంతంగా ప్రవేశించిన ల్యాండర్ విక్రమ్ చంద్రునిపై ల్యాండింగ్ సమయంలో తలెత్తిన సాంకేతిక లోపం కారణంగా విక్రమ్ జాడ కనిపించలేదు. అయితే, ఆర్బిటర్ నుంచి అందిన సమాచారం ప్రకారం ల్యాండర్ ముక్కలు కాలేదని, ఒక్కటిగా ఉందని సమాచారం అందింది.

అయితే, విక్రమ్ తో సంబంధాల కోసం చాలా ప్రయత్నం చేశారు. కానీ కుదరలేదు. నాసా సహాయం తీసుకున్నా ఉపయోగం లేకుండా పోయింది. చంద్రునిపై ల్యూనార్ నైట్ వాతావరణం ఉన్నది. ఈ సమయంలో అక్కడ మైనస్ 248 డిగ్రీల ఉష్ణోగ్రత ఉంటుంది. ల్యాండర్ కు సంబంధించి కొన్ని ఆసక్తికరమైన విషయాలను ఇస్రో తెలియజేసింది. ల్యాండర్ పై ఆశలు వదిలేసుకోలేదని, మరో వారం రోజుల్లో అక్కడ తిరిగి సూర్యకిరణాలు ప్రవేశిస్తాయి కాబట్టి ల్యాండర్ తో సంబంధాలను పునరుద్దరించే ప్రయత్నం చేస్తామని ఇస్రో శాస్త్రవేత్తలు చెప్తున్నారు.