శుక్రవారం రాత్రి యూఏఈలోని పలు ప్రాంతాల్లో భారీ వర్షం కురిసింది. ఈ రోజు కూడా వర్షాలు కురిసే అవకాశం వుందని నేషనల్‌ మిటియరాలజీ డిపార్ట్‌మెంట్‌ వర్గాలు అంచనా వేస్తున్నాయి. చాలా చోట్ల ఆకాశం మేఘావృతమయి వుంటుందనీ, వున్నపళంగా భారీ వర్షాలు కురిసే అవకాశం వుంటుందని అధికారులు చెప్పారు. కాగా, రాత్రి వేళల్లోనూ, ఉదయం పూట హ్యుమిడ్‌ వాతావరణం ఎక్కువగా కొనసాగుతుంది. ఫాగ్‌, మిస్ట్‌ ఫార్మేషన్‌ కారణంగా విజిబిలిటీ తక్కువ వుండొచ్చు. అత్యధిక ఉష్ణోగ్రతలు 42 డిగ్రీలకు చేరుకునే అవకాశం వుండగా, అత్యల్పంగా 19 డిగ్రీల సెంట్రీగ్రేడ్‌ నమోదు కానుంది. ఆదివారం కూడా వాతావరణ పరిస్థితులు ఇలాగే వుంటాయని అధికారులు అంచనా వేస్తున్నారు.