తొలి ఎమిరేటీ ఆస్ట్రోనాట్‌ హజ్జా అల్‌ మన్సూరి, అక్టోబర్‌ 12న యూఏఈకి తిరిగి రానున్నారు. అంతర్జాతీయ అంతరిక్ష కేంద్రానికి ఇటీవల వెళ్ళి, భూమికి తిరిగొచ్చిన హజ్జా అల్‌ మన్సూరి ప్రస్తుతం రష్యాలో వున్నారు. పోస్ట్‌ మిషన్‌ హెల్త్‌ చెకప్స్‌, మెడికల్‌ టెస్ట్‌ల్లో భాగంగా రష్యాలో వున్న హజ్జా, ప్రెస్‌ కాన్ఫరెన్స్‌లో కూడా పాల్గొననున్నారు. బ్యాకప్‌ మిషన్‌లో భాగంగా హజ్జా వెంట ప్రస్తుతం సుల్తాన్‌ అల్‌ నయెదితోపాటు, మొహమ్మద్‌ బిన్‌ రషీద్‌ స్పేస్‌ సెంటర్‌ ఛైర్మన్‌ హమాద్‌ ఒబైద్‌ అల్‌ మన్సూరి అలాగే డైరెక్టర్‌ జనరల్‌ యూసుఫ్‌ హమాద్‌ అల్‌షాయ్‌బాని వున్నారు. హ్యూమన్‌ శరీరంపై మైక్రో గ్రావిటీ ప్రభావానికి సంబంధించి సైంటిఫిక్‌ స్టడీలో భాగంగా మెడికల్‌ టెస్టులు జరుగుతున్నాయి. కాగా, హజ్జా అల్‌మన్సౌరికి యూఏఈలో ఘనస్వాగతం పలికేందుకు ప్రత్యేక ఏర్పాట్లు చేస్తున్నారు.