అబుదాబీ అథారిటీస్‌, ఓ స్కూల్‌ క్యాంటీన్‌ని సేఫ్టీ ఉల్లంఘనల కారణంగా మూసివేస్తూ నిర్ణయం తీసుకున్నాయి. అబుదాబీ అగ్రికల్చర్‌ అండ్‌ ఫుడ్‌ సేఫ్టీ అథారిటీ (ఎడిఎఎఫ్‌ఎస్‌ఎ) అధికార ప్రతినిథి తమెర్‌ రషీద్‌ అల్‌ కాసిమి మాట్లాడుతూ, ఎడిసి ప్రైవేట్‌ స్కూల్‌ క్యాంటీన్‌లోని ఫుడ్‌, తినడానికి ఏమాత్రం మంచిది కాదని నిర్ధారించినట్లు పేర్కొన్నారు. ఫుడ్‌కి అనుకూలంగా వుండే టెంపరేచర్‌కి సంబంధించిన వివరాలేమీ రికార్డుల్లో లేవని కూడా ఆయన వివరించారు. నిబంధనలకు అనుగుణంగా తగు చర్యలు తీసుకునేవరకు క్యాంటిన్‌ తెరవడానికి వీల్లేదని ఎడిఎఎఫ్‌ఎస్‌ఎ ఆదేశాలు జారీ చేసింది.