అబుదాబీ: అబుదాబీ టోల్‌గేట్స్‌ ఆపరేషన్స్‌ ప్రారంభానికి కొద్ది రోజులు ముందు డిపార్ట్‌మెంట్‌ ఆఫ్‌ ట్రాన్స్‌పోర్ట్‌, ముసాఫ్ఫా బ్రిడ్జి టోల్‌గేట్‌ రీలొకేషన్‌పై ప్రకటన విడుదల చేసింది. అబుదాబీ గేట్‌ ఏరియా ప్రాంతం వద్దకు ముసాఫ్ఫా బ్రిడ్జి టోల్‌గేట్‌ని తరలించనున్నారనీ, ట్రాఫిక్‌ సమస్యల్ని తగ్గించేందుకే ఈ నిర్ణయం తీసుకుంటున్నారనీ తెలుస్తోంది. కాగా, అబుదాబీ ఐలాండ్‌లోకి వచ్చి, వెళ్ళే వాహనాల సంఖ్య 44,000గా వుందనీ, ఇందులో 24,000 సిటీలోకి ఎంటర్‌ అవుతుండగా, 20,000 ఎగ్జిట్‌ అవుతున్నాయనీ డిపార్ట్‌మెంట్‌ పేర్కొంది.