కువైట్‌: గత తొమ్మిది నెలల్లో మొత్తం 18,000 మంది వలసదారుల్ని కువైట్‌ నుంచి డిపోర్ట్‌ చేశారు. వీరిలో అత్యధికులు భారతదేశం నుంచే వున్నారు. డిపోర్ట్‌ చేయబడిన భారతీయ వలసదారుల సంఖ్య 5,000గా వుంది. ఆ తర్వాతి స్థానంలో బంగ్లాదేశ్‌కి చెందిన 2,500 మంది వలసదారులున్నారు. మూడో స్థానంలో 2,200 మంది ఈజిప్టియన్‌ వలసదారులున్నట్లు గణాంకాలు చెబుతున్నాయి. డిపోర్ట్‌ అయినవారిలో పురుషులు, మహిళలు వున్నారు. కాగా, ప్రస్తుతం 50 మంది పురుషులు, 8 మంది మహిళలు మాత్రమే డిపోర్టేషన్‌ సెంటర్‌లో వున్నారనీ, వారినీ త్వరలో డిపోర్టేషన్‌ చేస్తామనీ అధికారులు తెలిపారు.