సౌదీ అరేబియా:వందలాది మంది సౌదీ విమెన్‌ డ్రైవర్స్‌, రియాద్‌లోని సౌదీ డ్రైవింగ్‌ స్కూల్‌ ప్రాంతంలో కార్లతో సందడి చేశారు. అతి పెద్ద విమెన్‌ కార్‌ కాన్వాయ్‌కి సంబంధించి ప్రపంచ రికార్డ్‌ కొల్లగొట్టేందుకు వీరంతా ఈ ప్రయత్నం చేశారు. టీవీ 'డ్రైవ్‌' మాజీ హోస్ట్‌ సజా కమల్‌ బ్రీఫింగ్‌తో మహిళా డ్రైవర్లు రంగంలోకి దిగారు. సీట్‌ బెల్ట్‌ ధరించి, ప్రిన్సెస్‌ నౌరా బింట్‌ అబ్దుల్‌ రహ్మాన్‌ యూనివర్సిటీని చుట్టేశారు వారంతా కాన్వాయ్‌గా. టొయోటా సంస్థ ఈ 100 కార్ల కాన్వాయ్‌ని నిర్వహించింది. సౌదీ ఫార్ములా ఇ స్టార్‌ మరియు మోటర్‌ స్పోర్ట్‌ ఔత్సాహికుడు అసీల్‌ అల్‌ హమాద్‌ ఈ కాన్వాయ్‌కి నాయకత్వం వహించారు. ఈ కార్యక్రమంలో పాల్గొనడం చాలా ఆనందంగా వుందని పార్టిసిపెంట్స్‌ చెప్పారు. నిర్వాహకులు, తాము అనుకున్నది సాధించగలిగామనీ, అధికారిక రిజల్ట్‌ కోసం ఎదురుచూస్తున్నామని వివరించారు.