రియాద్‌: 40వ గల్ఫ్‌ కో-ఆపరేషన్‌ కౌన్సిల్‌ (జిసిసి) సమ్మిట్‌కి సర్వం సిద్ధమయ్యింది. కింగ్‌ సల్మాన్‌ ఈ సమ్మిట్‌కి నేతృత్వం వహిస్తున్నారు. రియాద్‌లో ఈ వేడుక జరుగుతోంది. జిసిసి సెక్రెటరీ జనరల్‌ డాక్టర్‌ అబ్దుల్‌ లతీఫ్‌ అల్‌ జయానీ మాట్లాడుతూ, రీజినల్‌ ఛాలెంజెస్‌ విషయమై సౌదీ అరేబియా చిత్తశుద్ధితో వ్యవహరిస్తోందని చెప్పారు. గల్ఫ్‌ పౌరుల ఆశయాల్ని నెరవేర్చే దిశగా ఈ సమ్మిట్‌ కీలకమైన నిర్ణయాల్ని గత కొంతకాలంగా తీసుకుంటోందని ఆయన అభిప్రాయపడ్డారు. కాగా, సోమవారం యూఏఈ మినిస్టర్‌ ఆఫ్‌ స్టేట్‌ ఫర్‌ ఫారిన్‌ ఎఫైర్స్‌ డాక్టర్‌ అన్వర్‌ మొహమ్మద్‌ గర్గాష్‌ నేతృత్వంలో ప్రిపరేటరీ సెషన్స్‌ జరిగాయి. ఈ కార్యక్రమాలకి అల్‌ జయానీ కూడా హాజరయ్యారు.