అల్ ఐన్:రోజులు కూడా నిండని పసికందును వాష్ రూంలో వదిలి వెళ్లిన దారుణం యూఏఈలో చోటు చేసుకుంది. అల్ ఐన్ లోని జహ్లి పార్క్ లో ఉన్న మహిళల వాష్ రూంలో రోజుల వయస్సున్న పసి కందును ఓ ఎమిరైటీ మహిళా, ఆమె కొడుకు గుర్తించారు. వెంటనే పోలీసులకు సమాచారం అందించారు. దీంతో పార్క్ కు చేరుకున్న పోలీసులు చిన్నారిని ఆస్పత్రికి తరలించారు. పాపను ఎవరు విడిచి వెళ్లారనేది తెలుసుకునేందుకు అబుదాబి పోలీసులు దర్యాప్తు చేస్తున్నారు. పాప ఏసియన్ కంట్రీస్ కు చెందినట్లు ఉందని అనుమానిస్తున్నారు. అలాగే మహిళల వాష్ రూంలో చిన్నారి ఉండటంతో ఎవరో మహిళ ఈ దారుణానికి ఒడిగట్టి ఉండొచ్చని అంచనా వేస్తున్నారు.