కతార్‌: ఇండోర్‌ ఫ్రీ స్టయిల్‌ ప్లే గ్రౌండ్‌ బౌన్స్‌లో 80కి పైగా ఇంటర్‌ కనెక్టెడ్‌ ట్రంపోలిన్స్‌, సందర్శకుల్ని విశేషంగా ఆకట్టుకోనున్నాయి. గాల్లో ఎగరవచ్చు, వాల్స్‌ మీద బౌన్స్‌ అవ్వొచ్చు.. ఒక్క మాటలో చెప్పాలంటే తమ వయసుని తగ్గించేసుకుని.. చిన్న పిల్లల్లా చెలరేగిపోవచ్చు. 2 గంటల సమయానికి 120 కతారీ రియాల్స్‌ చెల్లించి ఈ అద్భుతమైన అనుభూతిని పొందడానికి వీలుంది. ఈ హౌస్‌లోకి ఎంటర్‌ అయ్యేందుకోసం పాస్‌ల ధరలు 80 ఖతారీ రియాల్స్‌తో ప్రారంభమవుతాయి. అల్‌ దుహైల్‌ సౌత్‌లోగల అల్‌ మర్ఖియా స్ట్రీట్‌లోని తవార్‌ మాల్‌లో ఈ బౌన్స్‌ని ఏర్పాటు చేశారు. బర్త్‌డే పార్టీలు సహా అనేక వేడుకల్ని ఇక్కడ చేసుకునేందుకు అవకాశం కల్పిస్తున్నారు నిర్వాహకులు.