కువైట్‌ సిటీ: 22 ఏళ్ళ ట్రాఫిక్‌ ఆఫీసర్‌ని పోలీసులు అదుపులోకి తీసుకోవాల్సి వచ్చింది. కేసు వివరాల్లోకి వెళితే 4 వీల్‌ డ్రైవ్‌ కారుని నడుపుతూ స్టంట్స్‌ పెర్ఫామ్‌ చేసిన సదరు అధికారి, ఈ క్రమంలో సెకెండరీ స్కూల్‌ గేటులోకి దూసుకెళ్ళిపోయాడు. జహ్రా ప్రాంతంలో ఈ ఘటన చోటు చేసుకుంది. అదృష్టవశాత్తూ ఈ ఘటనలో ఎవరికీ ఎలాంటి ప్రమాదం చోటు చేసుకోలేదు. ఘటన జరిగిన వెంటనే అనుమానితుడు సంఘటనా స్థలం నుంచి పారిపోయినట్లు అధికారులు తెలిపారు. ఆ తర్వాత అతన్ని పోలీసులు అరెస్ట్‌ చేయడం జరిగింది.