కువైట్‌: జనరల్‌ డిపార్ట్‌మెంట్‌ ఫర్‌ డ్రగ్స్‌ కంట్రోల్‌ కస్టడీలో వున్న ఓ సిటిజన్‌ ప్రాణం కోల్పోవడంపై విచారణ చేపట్టింది క్రిమినల్‌ ఇన్వెస్టిగేషన్‌ డిపార్ట్‌మెంట్‌. అనారోగ్య కారణాలతో నిందితుడు మృతి చెందినట్లు జిడిడిసి, మినిస్ట్రీ ఆఫ్‌ ఇంటీరియర్‌కి సమాచారం అందించడం జరిగింది. వైద్య సహాయం అందించేందుకు ప్రయత్నించామనీ, అయితే అప్పటికే అతను మరణించాడని జిడిడిసి పేర్కొంది. మరోపక్క, మృతదేహాన్ని తదుపరి వైద్య పరీక్షల నిమిత్తం తరలించారు. వైద్య పరీక్షల్లో సదరు వ్యక్తి మృతికి గల కారనాలు వెల్లడి కానున్నాయి.