యూ.ఏ.ఈ:HD వీడియో కాల్స్, వాయిస్ కాల్స్ ఫీచర్స్ తో స్వల్ప కాలంలోనే పాపులర్ అయిన 'టు టాక్' యాప్ అంతే వేగంగా కనుమరుగైపోయింది. గత శనివారం నుంచి అండ్రాయిడ్, ఆపిల్ యాప్ స్టోర్స్ లో టు టాక్ డిస్సప్పీయర్ అయింది. దీంతో ఇక టు టాక్ సర్వీసులను పొందలేమని వినియోగదారులు ఆందోళన వ్యక్తం చేస్తున్నారు. BotIM..టు టాక్ యాప్ వివరాలను ప్రకటించిన తర్వాత యాప్ కు ర్యాపిడ్ గా ఆదరణ లభించింది. అయితే..BotIM సబ్ స్క్రిప్షన్ కోసం 100 దిర్హామ్ లను ఫీగా చెల్లించాల్సి ఉంటుంది. టు టాక్ మాత్రం ఒక్క పైసా చెల్లించాల్సిన అవసరం లేదు. పైగా HD వీడియో కాల్స్, వాయిస్ కాల్స్ చేసుకునే అవకాశం ఉండటంతో ఆదరణ పెరిగింది. " టు టాక్ కాల్ సర్వీస్, వీడియో క్వాలిటీ బాగుంది. టు టాక్ ను యూజ్ చేసిన వారం తర్వాత BotIM సబ్ స్క్రిప్షన్ ను క్యాన్సిల్ చేసుకున్నా" అని దుబాయ్ రెసిడెంట్ మనవ్ ప్రసాద్ అన్నారు. యూఏఈలోనే కాదు యూఎస్, యూకేలో కూడా ఇలాంటి పరిస్థితులే నెలకొన్నాయి. USA, UK లో కూడా యాప్ స్టోర్స్ లో టు టాక్ కనిపించటం లేదు. అయితే..ఇప్పటికే యాప్ ను డౌన్ లోడ్ చేసుకున్న వారికి ఎలాంటి అసౌకర్యం లేకుండా టు టాక్ సర్వీస్ ను యూజ్ చేసుకోగలుగుతున్నారు.