టెక్నికల్ ఇష్యూస్ తో మస్కట్ అంతర్జాతీయ విమానాశ్రయాన్ని దాదాపు గంట పాటు మూసివేశారు. దీంతో పలు విమానాలను మస్కట్ నుంచి దారిమళ్లించారు. మంగళవారం రాత్రి 11.09 నుంచి బుధవారం అర్ధరాత్రి 12.45 సమయం వరకు ఫ్లైట్స్ ను అనుమతించలేదు. తిరిగి రన్ వే పునరుద్ధరించిన తర్వాత ఫ్లైట్స్ ను అనుమతించారు. దీంతో దారిమళ్లించిన ఫ్లైట్స్ అన్ని కొద్ది పాటి ఆలస్యంతో రాకపోకలు స్టార్ట్ అయ్యాయి. ఈ ఎఫెక్ట్ ఇంకా కొనసాగే అవకాశాలు ఉండటంతో మరికొన్ని విమానాలు కూడా ఆలస్యంగా నడిచే అవకాశాలున్నాయి. ప్రయాణికులు ఫ్లైట్స్ సమయాలను చెక్ చేసుకోవాలని ఎయిర్ పోర్ట్ అధికారులు సూచించారు.