ఒకప్పుడు తన గ్లామర్‌తో అభిమానులను అలరించిన జయప్రద తాజాగా హరర్ చిత్రంతో ప్రేక్షకుల ముందుకు రానున్నారు. గతంలో వైవిధ్యమైన చిత్రాలలో నటించి మెప్పించిన జయప్రద ఆ తర్వాత రాజకీయ రంగం వైపు దృష్టి పెట్టారు. అయితే తాజాగా భారీ బడ్జెట్‌తో బాలగిరి నిర్మిస్తోన్న చిత్రంలో జయప్రద ప్రధాన పాత్ర చేయనుండగా, ఈ చిత్రానికి నీరజ్ వాలా దర్శకుడిగా వ్యవహరించనున్నారు.జయప్రద ప్రధాన పాత్రలో తెరకెక్కనున్న హరర్ మూవీ తెలుగు, తమిళం, హిందీ భాషలలో విడుదల కానుండగా, ఈ సినిమాకు బాలీవుడ్ టెక్నీషియన్స్ పనిచేయనున్నట్టు తెలుస్తోంది. ఇటీవల ఈ సినిమాను చీర్యాల లక్ష్మీ నరసింహా స్వామి అలయ ప్రాంగణంలో లాంచ్ చేయగా, ఈ కార్యక్రమంలో జయప్రదతో పాటు దర్శక నిర్మాతలు పలువరు సినీ ప్రముఖులు పాల్గొన్నారు.