మస్కట్ : ఒమన్ సుల్తానేట్ లోని నార్తర్న్ ప్రాంతాల్లో రాబోయే మూడు రోజులు వర్షాలు కురిసే అవకాశాలు ఉన్నాయని పబ్లిక్ అథారిటీ ఫర్ సివిల్ ఏవియేషన్ వెల్లడించింది. క్లౌడ్స్ గమనం నార్తర్న్ దిశగా కొనసాగుతోందని, వీటికి వాయువ్య గాలులు తోడవటంతో సోమవారం నాటికి మరింత చురుగ్గా కదులుతాయని PACA అంచనా వేస్తోంది. దీంతో ముసందం గవర్నరేట్ లో వర్షాలు కురిసే అవకాశాలు ఉన్నాయని పేర్కొంది. ఈ సమయంలో ఒమన్, ముసందం సముద్ర తీర ప్రాంతాల్లో అలల తీవ్రత పెరిగే అవకాశాలు ఉన్నాయని తెలిపింది. అంతేకాకుండా టెంపరేచర్స్ తగ్గి వాతావరణం చల్లబడుతుందని PACA అధికార వర్గాలు తెలిపాయి.