దుబాయ్‌: యూరోపియన్‌ వలసదారుడొకరు ఆత్మహత్యకు యత్నించగా, అతన్ని దుబాయ్‌ పోలీసులు చాకచక్యంగా రక్షించారు. రాత్రి 11 గంటల సమయంలో ఘటన గురించిన సమాచారం అందుకున్న పోలీసులు వెంటనే, సంఘటనా స్థలానికి చేరుకుని, ఆత్మహత్యకు యత్నించిన వ్యక్తిని కాపాడినట్లు దుబాయ్‌ పోలీస్‌ బ్రిగేడియర్‌ జమాల్‌ అల్‌ జల్లాఫ్‌బ్రిగేడియర్‌ జమాల్‌ అల్‌ జలాఫ్‌ చెప్పారు. బదా ఏరియాలో ఆ వ్యక్తి నివసిస్తున్నట్లు గుర్తించామనీ, రికార్డు సమయంలో అక్కడికి ఓ అధికారి చేరుకున్నారనీ, వెంటనే అతన్ని రక్షించామని ఆయన వివరించారు. బెల్టుతో ఉరివేసుకుని నిందితుడు ఆత్మహత్యకు యత్నించాడు. ఈ క్రమంలో ఆయన ముందుగా సూసైడ్‌ నోట్‌ కూడా రాశాడు. దుబాయ్‌ పోలీస్‌ సైకలాజికల్‌ టీమ్‌, అతనికి కౌన్సిలింగ్‌ ఇచ్చేందుకు ప్రయత్నించారు.