కువైట్‌: దుర్రా కంపెనీ ద్వారా ఓవర్సీస్‌ డొమెస్టిక్‌ వర్కర్స్‌ని రిక్రూట్‌ చేసుకోవాలన్న ప్రభుత్వ ప్రయత్నాలు సత్ఫలితాలనివ్వడంలేదు. తక్కువ ఖరుచతో డొమెస్టిక్‌ వర్కర్స్‌ని పొందేందుకు అవకాశాలు సన్నగిల్లుతున్నాయి. చాలామందికి దుర్రా కంపెనీ కార్యాలయం ఎక్కడ వుందో కూడా తెలియని పరిస్థితి. సోషల్‌ మీడియా మరియు మొబైల్‌ యాప్స్‌ ద్వారా మార్కెటింగ్‌ విషయమై సదరు కంపెనీ దృష్టి పెట్టకపోవడం కూడా పరిస్థితి తీవ్రతకు కారణంగా చెబుతున్నారు. 400 కువైటీ దినార్స్‌ ఖర్చుతోనే డొమెస్టిక్‌ వర్కర్స్‌ని సిటిజన్స్‌కి అందిస్తామని కంపెనీ ప్రామిస్‌ చేసిందిగానీ, గ్రౌండ్‌ లెవల్‌లో పరిస్థితి అందుకు భిన్నంగా వుంది.