యూఏఈ: ఆసియాకి చెందిన ట్యాక్సీ డ్రైవర్‌ ఒకరు, తన క్యాబ్‌లో ప్రయాణిస్తున్న మహిళా ప్రయాణీకురాలిపై లైంగిక వేధింపులకు పాల్పడ్డాడు. ఈ క్రమంలో నిందితుడు, కారులోని కెమెరాని డిస్కనెక్ట్‌ చేసినట్లు పోలీసులు తెలిపారు. దుబాయ్‌ మీడియా సిటీ ఏరియా ప్రాంతంలో 31 ఏళ్ళ యూరోపియన్‌ మహిళ, ట్యాక్సీలో దుబాయ్‌ సిలికాన్‌ ఒయాసిస్‌కి వెళ్ళేందుకు సిద్ధమయ్యారు. ఈ క్రమంలో ఆమె డ్రైవర్‌ పక్క సీట్లో కూర్చున్నారు. నిద్రలోకి జారుకున్న ఆమె మెలకువ వచ్చి చూసేసరికి, ఆ కారు నిర్మాణంలో వున్న ఓ భవనం దగ్గర ఆగిందని తెలుసుకున్నారు. ఇంతలోనే డ్రైవర్‌ ఆమెతో అసభ్యకరంగా ప్రవర్తించగా, డ్రైవర్‌ని తోసేయడం జరిగింది. అయితే, డ్రైవర్‌ ఆమెను ఆ తర్వాత ఆమె ఇంటి వద్ద దించినట్లు పోలీసులు వివరించారు. ఎవరికీ ఈ విషయం గురించి చెప్పొద్దని డ్రైవర్‌, బాధితురాల్ని బెదిరించాడు. ఇంటికి చేరుకున్న ఆమె, ఆ తర్వాత పోలీసులకు ఫిర్యాదు చేసింది.