యూఏఈ నేషనల్ ఎయిర్ లైన్స్ జాబితాలోకి మరొక విమానయాన సంస్థ ఎంట్రీకి గ్రీన్ సిగ్నల్ లభించింది. ఎయిర్ అరేబియా అబుదాబిని నేషనల్ ఎయిర్ లైన్స్ గా  యూఏఈ కేబినెట్ ప్రకటించింది. షేక్ మొహమ్మద్ బిన్ రషీద్ అల్ మక్తూమ్ ఆధ్వర్యంలో జరిగిన తొలి కేబినెట్ భేటీలో ఈ నిర్ణయం తీసుకుంది. దేశంలో సివిల్ ఏవియేషన్ రంగాన్ని మరింత అభివృద్ధిపరిచేలా లక్ష్యంతో కేబినెట్ ఎయిర్ అరేబియా అబుదాబికి ఆమోదం తెలిపింది. దీంతో దేశంలో పౌర విమానయాన రంగానికి ప్రభుత్వం ఎంతటి ప్రాముఖ్యతను ఇస్తుందో చాటిచెప్పింది. సివిల్ ఏవియేషన్ సెక్టార్ లోని విమానయాన సంస్థలకు ప్రభుత్వం నుంచి అవసరమైన సహాయాన్ని అందిస్తామని కేబినెట్ తెలిపింది.