యూఏఈ:కుండపోత వర్షాల తర్వాత యూఏఈలో మళ్లీ వెదర్ చక్కబడుతోంది. క్లౌడ్స్ క్లియర్ కావటంతో మళ్లీ దుబాయ్ లో ఎండపొడి వాతావరణం కనిపిస్తోంది. అయితే..చలి తీవ్రత కొనసాగుతోంది. వర్షాల సమయంలో కంటే నిన్న కొద్దిగా టెంపరేచర్లు పెరిగి 23 డిగ్రీల సెల్సియస్ గా నమోదవుతున్నాయి. అబుదాబి కూడా వర్ష వాతావరణం నుంచి తేరుకుంటోంది. 21 డిగ్రీల సెల్సియస్ టెంపరేచర్ రికార్డ్ అయ్యింది. అయినా..చలి ప్రభావం మాత్రం కంటిన్యూ అవుతోంది. కొన్ని ప్రాంతాల్లో క్లౌడ్స్ ఉంటాయని మిగిలిన ప్రాంతాల్లో అకాశం నిర్మలంగా ఉంటుందని నేషనల్ సెంటర్ ఆఫ్ మెట్రలాజీ ప్రకటించింది. దుబాయ్, అబుదాబిలో ఉష్ణోగ్రతలు 15 డిగ్రీల సెల్సియస్ గా నమోదు అయ్యాయి.