సౌదీ మిలిటరీ చీఫ్‌ ఆఫ్‌ స్టాఫ్‌ జనరల్‌ ఫయ్యాద్‌ అల్‌ రువాలి, మహిళల కోసం తొలి మిలిటరీ సెక్షన్‌ని సౌదీ అరేబియన్‌ ఆర్మ్‌డ్‌ ఫోర్సెస్‌లో ప్రారంభించారు. డైరెక్టర్‌ జనరల్‌ ఆఫ్‌ అడ్మిషన్‌ అండ్‌ ఎనిస్ట్‌మెంట్‌ మేజర్‌ జనరల్‌ ఇమాద్‌ అల్‌ ఐదన్‌, రెగ్యులేషన్స్‌ ఆఫ్‌ యాక్సెప్టెన్స్‌తోపాటు ఫిమేల్‌ స్టాఫ్‌ ఎక్కడ స్టేషన్‌ చేయబడ్తారనే విషయాల్ని వివరించారు. 2019 అక్టోబర్‌లో చేసిన ప్రకటనకు అనుగుణంగా మరింత మంది మహిళలకు ఈ విభాగంలో అవకాశాలు కల్పిస్తారు. లాన్స్‌ కార్పొరల్స్‌, కార్పొరల్స్‌, సర్జంట్స్‌, స్టాఫ్‌ సర్జంట్స్‌ పోస్టుల్లో వీరిని నియమిస్తారు. రాయల్‌ సౌదీ ల్యాండ్‌ ఫోర్సెస్‌, ఎయిర్‌ ఫోర్స్‌, సౌదీ అరేబియన్‌ నేవీ, ఎయిర్‌ డిఫెన్స్‌ ఫోర్సెస్‌, స్ట్రాటజిక్‌ మిస్సైల్‌ ఫోర్సెస్‌ అలాగే ఆర్మ్‌డ్‌ ఫోర్సెస్‌ మెడికల్‌ సర్వీసుల్లో వీరికి అవకాశాలు కల్పిస్తున్నారు. సీనియర్‌ ర్యాంకులకు మహిళలు చేరుకునేలా కూడా అవకాశాలున్నాయి.