బంగారం ధర వరసగా రెండో రోజూ కాస్త తగ్గింది. మంగళవారం స్వల్పంగా రూ.35 తగ్గడంతో 99.9శాతం స్వచ్ఛత గల పది గ్రాముల పసిడి ధర రూ.26,350కి చేరింది. నగల వ్యాపారులు, రీటైలర్ల నుంచి డిమాండు తగ్గడంతో దీని ధర తగ్గిందని బులియన్‌ మార్కెట్‌ వర్గాలు తెలిపాయి. అంతర్జాతీయంగా సింగపూర్‌ బులియన్‌ మార్కెట్లో ఔన్సు బంగారం ధర 1,088.68 అమెరికన్‌ డాలర్లుగా ఉంది. అలాగే మంగళవారం వెండి ధరలో ఎలాంటి మార్పూ లేదు. సోమవారం ధర రూ.34,000 వద్దే కొనసాగుతోంది. పారిశ్రామికవర్గాలు, నాణేల తయారీదారుల నుంచి కొనుగోళ్లు లేకపోవడంతో ధరలో వ్యత్యాసం రాలేదని బులియన్‌ మార్కెట్‌ వర్గాలు తెలిపాయి.