దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), వాహనదారులు తమ వాహనాల నెంబర్‌ ప్లేట్లపై దుబాయ్‌ ఎక్స్‌పో 2020 లోగో డిజైన్‌ చేయించుకునేలా కొత్త ఇనీషియేషన్‌కి శ్రీకారం చుట్టింది. 2020 ఫిబ్రవరి 2న ఈ వేడుక ప్రారంభం కానుంది. ఎక్స్‌పో2020ని దుబాయ్‌ హోస్ట్‌ చేస్తున్న దరిమిలా, మోటరిస్టులకు ఈ అవకాశం కల్పిస్తున్నట్లు అధికారులు తెలిపారు. ఇందుకోసం 200 దిర్హామ్‌లు ఛార్జ్‌ చేస్తామని ఆర్‌టిఎ లైసింగ్‌ ఏజెన్సీ సీఈఓ అబ్దుల్లా యూసఫ్‌ అల్‌ అలి చెప్పారు. ఆన్‌లైన్‌ ద్వారా ఔత్సాహికులైన వాహనదారులు ఈ నెంబర్‌ ప్లేట్‌ కోసం దరఖాస్తు చేసుకోవచ్చని అధికారులు సూచించారు. దుబాయ్‌ వ్యాప్తంగా ఆర్టీఎ సర్వీస్‌ ప్రొవైడర్స్‌ కేవలం మూడు రోజుల్లోనే ఈ నెంబర్‌ ప్లేట్లను అందిస్తారు.