బహ్రెయిన్:కరోనా వైరస్ ఫార్మా స్టోర్స్ కి కలిసొచ్చింది. వైరస్ వేగంగా విస్తరిస్తుండటంతో తమ వరకు వైరస్ రాకుండా జనం ముందుజాగ్రతలు తీసుకుంటున్నారు. దీంతో బహ్రెయిన్ వ్యాప్తంగా ఇప్పుడు ఫేస్ మాస్క్స్ కు ఫుల్ డిమాండ్ నెలకొంది. ఫార్మా స్టోర్స్ లో స్టాక్ మొత్తం ఖాళీ అయ్యింది. కింగ్ డమ్ డిమాండ్ రోజురోజుకి పెరిగిపోతున్నా..అందుకు తగినట్లు సప్లై లేదు. పేరు చెప్పేందుకు ఇష్టపడని ఓ ఫార్మా స్టోర్ యజమాని మాట్లాడుతూ ఫేస్ మాస్క్స్ కి కొరత తీవ్రంగా ఉందని, తమ దగ్గర ఉన్న స్టాక్ కేవలం రెండు రోజుల్లోనే అమ్ముడుపోయిందని వివరించారు. ప్రస్తుతానికి బహ్రెయిన్ ఎలాంటి కరోనా కేసులు నమోదు కాకున్నా..జనంలో వైరస్ పై అవేర్ నెస్ నెలకొనటంతో ముందస్తుగా ఫేస్ మాస్క్స్ ధరిస్తున్నారని అన్నారు. అయితే..ఫేస్ మాస్క్స్ ఎక్కువగా చైనా నుంచి ఇంపోర్ట్ అవుతుండటం కూడా బహ్రెయిన్ లో కొరత ఎర్పడటానికి ఓ కారణం అవుతోంది. చైనాలో కరోనా కలకలంతో ఫేస్ మాస్క్స్ కు డిమాండ్ పెరిగింది. దీంతో బహ్రెయిన్ కి దిగుమతి భారీగా తగ్గింది. ఈ నేపథ్యంలోనే బహ్రెయిన్ ఫార్మా స్టోర్స్ కు డిమాండ్ తగినంత మాస్క్స్ సప్లై కావటం లేదు. అయితే..కేవలం ఫేస్ మాస్క్స్ ధరించటం వల్ల చెప్పుదగిన పరిష్కార మార్గం కాదని కూడా రిపోర్ట్స్ చెబుతున్నాయి. ఇదిలాఉంటే..కరోనా వైరస్ వ్యాప్తి రోజురోజుకు పెరిగిపోతోంది. ఇప్పటివరకు 300 మంది వరకు చనిపోగా, 14,500 మందికి వైరస్ సోకింది. ప్రపంచవ్యాప్తంగా 27 దేశాలకు వైరస్ విస్తరించింది. కరోనా వైరస్ ను అరికట్టేందుకు చైనాలో రవాణా అంక్షలు ఇంకా కొనసాగుతున్నాయి.