కువైట్:ఇంటీరియర్‌ మినిస్ట్రీ విడుదల చేసిన తాజా డెసిషన్‌తో వలస విద్యార్థులు, నర్సులకు డ్రైవింగ్‌ లైసెన్సులు ఇకపై జారీ చేయడం కుదరదు. జనరల్‌ ట్రాఫిక్‌ డిపార్ట్‌మెంట్‌, రోడ్లపై ట్రాఫిక్‌ సమస్యల్ని తగ్గించేందుకు తీసుకున్న నిర్ణయాల్లో భాగంగా ఈ కొత్త డెసిషన్‌ అమల్లోకి వచ్చింది. ఇప్పటికే లైసెన్సులు కలిగి వున్న విద్యార్థులు, నర్సులు వాటిని సంబంధిత డాక్యుమెంట్స్‌ని సమర్పించడం ద్వారా రెన్యువల్‌ చేసుకునేందుకు వీలుంది. అయితే, వలసదారులైన స్టూడెంట్స్‌, తమ లైసెన్సులు రెన్యువల్‌ చేసుకోవాలంటే యూనివ్సిటీ నుంచి రిజిస్ట్రేషన్‌ సర్టిఫికెట్‌ లేదా పబ్లిక్‌ అథారిటీ ద్వారా తగిన పత్రాలు సమర్పించాల్సి వుంటుంది. నర్సుఉలైతే ఎంప్లాయర్స్‌ సర్టిఫికెట్‌ తప్పనిసరి.