యూఏఈ: యూఏఈ లో ఏడుగురు కరోనా వైరస్ బారిన పడ్డ సంగతి తెలిసిందే. కాగా వీరిలో 73 ఏళ్ళ మహిళ చికిత్సకు స్పందించి కోలుకోవటం సర్వత్రా హర్షాన్ని వ్యక్తం చేస్తోంది. 

73 ఏళ్ళ "లియు యుజియా పూర్తిగా కోలుకున్నారు. ఆమె ఇక సాధారణ జీవితాన్ని కొనసాగించవచ్చు" అని ఆరోగ్య మంత్రిత్వ శాఖ తెలిపింది.

కోలుకున్న లియు ను చైనాకు చెందిన కాన్సుల్ జనరల్ లి జుహాంగ్, మరియు ఆరోగ్య శాఖ అధికారి డాక్టర్ హుస్సేన్ అల్ రాండ్ కలిసి ఆమెకు పుష్పగుచ్చాన్ని ఇచ్చి అభినందనలు తెలిపారు. ఈ సందర్భంగా లియు మాట్లాడుతూ "తనకు మెరుగైన వైద్య సంరక్షణ ఇచ్చి అనునిత్యం ఎంతో శ్రద్ధ తీసుకున్న యూఏఈ కి నా కృతజ్ఞతలు" అన్నారు.