రస్‌ అల్‌ ఖైమా పోలీస్‌ ఎయిర్‌ వింగ్‌, ఓ ఎఎమిరాతి మహిళను వాడి ఘాలియా హై మౌంటెయిన్‌ నుంచి రక్షించారు. ట్రెక్కింగ్‌ కోసం వెళ్ళిన ఆమె అకస్మాత్తుగా శ్వాస సంబంధిత సమస్యతో అస్వస్థతకు గురయ్యారు. సమాచారం అందుకున్న వెంటనే మహిళను హెలికాప్టర్‌ సాయంతో అధికారులు రక్షించడం జరిగింది. కేవలం 15 నిమిషాల్లోనే హెలికాప్టర్‌ సంఘటనా స్థలానికి చేరుకుంది. ఆమెకు ప్రాథమిక వైద్య చికిత్స అనంతరం ఆసుపత్రికి తరలించారు. ట్రెక్కర్స్‌, తగిన భద్రతా ప్రమాణాలు పాటించి, మౌంటెయిన్స్‌ మీదకు వెళ్ళాలని అధికారులు ఈ సందర్భంగా సూచించారు.