దుబాయ్:ప్రజలకు భద్రత అందించటంలో ఎప్పటికప్పుడు టెక్నాలజీని అందిపుచ్చుకుంటున్న దుబాయ్..పాట్రోలింగ్ వ్యవస్థను మరింత పటిష్టం చేసింది. ఇందుకోసం అదిరిపోయే ఫీచర్స్ తో 5జీ టెక్నాలజీ ఫస్ట్ పెట్రోలింగ్ కారును దుబాయ్ పోలీసులకు అందుబాటులోకి తెచ్చింది. ఎతిసలాట్ కోఆపరేషన్ తో ఈ స్మార్ట్ పెట్రోలింగ్ కారును అధికారికంగా ప్రారంభించింది. దీంతో మిడిల్ ఈస్ట్, నార్త్ అఫ్రికా రిజీయన్ లో పెట్రోలింగ్ వ్యవస్థ మరింత పటిష్టం కానుంది. ఇందులో ఏర్పాటు చేసిన అత్యాధునిక కెమెరాలు 5జీ టెక్నాలజీ ద్వారా నేరుగా కమాండ్ కంట్రోల్ కు కనెక్ట్ చేయబడ్డాయి. దుబాయ్ పోలీసులు 5జీ సర్వీస్ గోల్ సాధించేందుకు ఎంతగానో కృషి చేయాల్సి వచ్చిందని బ్రిగేడియర్ ఖలేద్ నాస్సేర్  అల్ రజూఖీ తెలిపారు. 5జీ టెక్నాలజీతో నేరాల అదుపులో పోలీసులు వెంటనే రెస్పాండ్ అయ్యే అవకాశాలు మరింత మెరుగుపడతాయని వివరించారు. పెట్రోలింగ్ కారులో అమర్చిన కెమెరాలు అత్యాధునికమైనవని, హై రెసెల్యూషన్ తో విజువల్స్ ను కమాండ్ కంట్రోల్ రూంకు పంపించ వచ్చన్నారు. అలాగే ఫేస్ రికగ్నైజేషన్ ఫెసిలిటీ కూడా అందుబాటులోకి వచ్చిందన్నారు. ఈ ఫీచర్స్ తో ఎమిరాతి ప్రజలకు మరింత భద్రత కల్పించవచ్చన్నారు.