ఖతార్ లోని పలు ప్రాంతాలు, సముద్ర తీర ప్రాంతాల్లో చెదురుమదురు వర్షం కురిసిందని ఖతార్ మెట్రలాజి డిపార్ట్మెంట్ తెలిపింది. ఈ మేరకు తన అధికారిక సోషల్ మీడియాలో వివరాలు వెల్లడించింది. ఇవాళ సాయంత్రం నుంచి రేపు (శుక్రవారం) వరకు వర్ష వాతావరణం కొనసాగే అవకాశాలు ఉన్నట్లు వెల్లడించింది. అలాగే వీకెండ్ డేస్ లో సముద్ర తీర ప్రాంతంలో బలమైన ఈదురుగాలులు వీస్తాయని తీర ప్రాంత ప్రజలను హెచ్చరించింది. గాలుల కారణంగా విజిబులిటి 3 కీలోమీటర్లకు తగ్గుతుందని పేర్కొంది. శనివారం (ఫిబ్రవరి 22) న తెల్లవారుజామున మంచు అలుముకునే అవకాశాలు ఉన్నట్లు మెట్రలాజీ డిపార్ట్మెంట్ అంచనా వేస్తోంది.