దుబాయ్‌ పోలీస్‌, ట్రాఫిక్‌ ఫైన్‌ ఈనీషియేటివ్‌ని ఇంకోసారి ప్రకటించింది. జరీమానాలపై 100 శాతం డిస్కౌంట్‌ ఈ ఇనీషియేషన్‌ ప్రత్యేకత. ఫిబ్రవరి 6న మొదటి ఎడిషన్‌ పూర్తయిన వెంటనే, రెండో ఎడిషన్‌ అమల్లోకి వచ్చింది. గత ఏడాది ఈ ఇనీషియేషన్‌ ద్వారా 557,430 మంది మోటరిస్టులు జరీమానాల నుంచి ఉపశమనం పొందారు. కాగా, 546,970,930 దిర్హావ్‌ులు వాహనదారులకు మిగిలింది. కాగా, గత ఏడాది ట్రాఫిక్‌ మరణాలు 16 శాతానికి తగ్గాయి. మేజర్‌ ఇంజ్యురీస్‌ కూడా 38 శాతం తగ్గాయి. ఇదిలా వుంటే, ట్రాఫిక్‌ జరీమానాల డిస్కౌంట్‌ నుంచి 114,769 మంది పురుషులు, 444,661 మంది మహిళలు లబ్ది పొందినట్లు అధికారిక గణాంకాలు చెబుతున్నాయి. మొదటి మూడు నెలల్లో ఉల్లంఘనలకు పాల్పడకపోతే 25 శాతం, ఆరు నెలలపాటు ఉల్లంఘనలకు పాల్పడనివారికి 50 శాతం డిస్కౌంట్‌, 9 నెలలపాటు ఉల్లంఘనలకు పాల్పడని పక్షంలో 75 శాతం, ఏడాది పాటు ఉల్లంఘనలకు పాల్పడకపోతే 100 శాతం అంతకు ముందు జరీమానాలపై డిస్కౌంట్‌ పొందేందుకు వాహనదారులకు అవకాశం కల్పిస్తున్నారు దుబాయ్‌ పోలీసులు.