రియాద్‌: కింగ్డమ్ లో మొత్తం 25 ఆసుపత్రులు పూర్తిస్థాయిలో కరోనా వైరస్‌పై పోరాటం కోసం సంసిద్ధంగా వున్నాయని సౌదీ మినిస్ట్రీ ఆఫ్‌ హెల్త్‌ స్పష్టం చేసింది. ఈ మేరకు సౌదీ హెల్త్‌ మినిస్ట్రీ అధికార ప్రతినిది¸ మొహమ్మద్‌ అబ్దెల్‌అలి మాట్లాడుతూ, 2,200 హాస్పిటల్‌ బెడ్స్‌ కరోనా వైరస్‌కి సంబంధించి క్వారంటీన్‌ కోసం కేటాయించామని అన్నారు. ఇప్పటిదాకా కరోనా వైరస్‌ కొత్త కేసులేమీ దేశంలో నమోదు కాలేదని ఆయన వివరించారు. కాగా, కరోనా అలర్ట్‌లో భాగంగా ఉమ్రా మరియు హజ్‌ వీసాల్ని తాత్కాలికంగా హాల్ట్‌ చేసినట్లు చెప్పారు.