మక్కా: మక్కా రీజియన్‌ పోలీస్‌ మేజర్‌ ముహమ్మద్‌ అల్‌ ఘామ్ది, సోషల్‌ మీడియాలో చక్కర్లు కొడ్తున్న ‘మక్కాలో కరోనా వైరస్‌’ రూమర్స్‌ని కొట్టి పారేశారు. ఇప్పటిదాకా జెడ్డాలో ఎలాంటి కరోనా వైరస్‌ కేసు కూడా నమోదు కాలేదని స్పష్టం చేశారు. కాగా, చైనాకి చెందిన ఓ మహిళ జెడ్డాలో అస్వస్థతకు గురైందనీ, ఆమె కరోనాతో బాధపడుతోందనీ సోషల్‌ మీడియాలో రూమర్స్‌ వచ్చాయి. ఓ కమర్షియల్‌ షాప్‌లో చైనాకి చెందిన ఓ మహిళ, పురుషుడి మధ్య గొడవ జరిగిందనీ, ఈ ఘటనలో చైనాకి చెందిన పురుషుడికి గాయాలయ్యాయనీ, అతన్ని వైద్య చికిత్స నిమిత్తం ఆసుపత్రికి తరలించడం జరిగింది తప్ప, అది కరోనా కేసు కాదని తేల్చి చెప్పారు పోలీస్‌ అధికారులు.