కువైట్‌: కరోనా వైరస్‌తో బాధపడుతున్న ఓ పేషెంట్‌, నర్సుపై ఉమ్మి వేసినట్లు మహిళా డాక్టర్‌ ఒకరు ఫిర్యాదు చేయడం జరిగింది. ఉద్దేశ్యపూర్వకంగా సదరు కరోనా పేషెంట్‌ ఈ ఘటనకు పాల్పడినట్లు ఫిర్యాదులో పేర్కొన్నారు. పేషెంట్‌పై కరిన చర్యలు తీసుకోవాలని ఫిర్యాదు చేశారు సదరు మహిళా డాక్టర్‌. అయితే, ఇలాంటి ఘటనలపై క్రిమినల్‌ చర్యలు తీసుకోవడానికి ఎలాంటి చట్టాలూ లేవు. హెచ్‌ఐవీ ఇన్‌ఫెక్షన్‌ని ఇతరులకు అంటించేందుకు ప్రయత్నిస్తే మాత్రం కరిన చర్యలుంటాయని చట్టం చెబుతోంది. కాగా, ఈ ఘటనపై నర్సింగ్‌ సొసైటీ తీవ్రంగా స్పందించింది. బాధిత నర్స్‌కి తమ సంఘీభావం తెలిపింది.

--దివాకర్(మాగల్ఫ్ ప్రతినిధి,కువైట్)